Kanada, Aýstralııa jáne Ulybrıtanııa Palestınany memleket retinde moıyndady
ASTANA. KAZINFORM – Kanada, Aýstralııa jáne Ulybrıtanııa Palestına memleketin moıyndaıtynyn jarııalady. Kanada Palestınany resmı túrde moıyndaǵan G7 elderiniń birinshisi boldy, dep habarlaıdy Kazinform VVS-ge silteme jasap.
Birneshe batys elderi – Frantsııa, Ulybrıtanııa, Portýgalııa, Kanada, Aýstralııa, Belgııa – dúısenbide ashylatyn BUU Bas Assambleıasynyń jyl saıynǵy sessııasynda Palestına memleketin moıyndaıtyndaryn jazda jarııalady.
AQSh prezıdenti Donald Tramptyń ákimshiligi bul qadamǵa qarsy, Izraıl de ony synady.
– Búgin palestınalyqtar men ızraıldikter úshin beıbitshilik pen eki memleketti sheshimge degen úmitti qalpyna keltirý úshin Birikken Koroldik Palestına memleketin resmı túrde moıyndady, - dedi Ulybrıtanııa premer-mınıstri Keır Starmer.
Premer-mınıstr Mark Karnı búginnen bastap «Kanada Palestına memleketin moıyndaıdy» dep málimdedi.
– Kanada Palestına memleketin moıyndaıdy jáne Palestına memleketi men Izraıl memleketi úshin beıbit bolashaqty qurýdaǵy seriktestigin usynady, - dep jazdy X jelisindegi paraqshasynda.
Eske sala keteıik, buǵan deıin brıtanııalyqtardyń 90 paıyzy Londonnyń Palestınany moıyndaý týraly bastamasyn qoldamaıtynyn jazǵan edik.