Kanada aspanynda eki ushaq soqtyǵysty
ASTANA. QazAqparat - Kanadanyń Monreal qalasynda Sen-Brýno saýda úıiniń tóbesinde jeńil motorly eki Cessna 152 ushaǵy soqtyǵysyp qaldy, dep habarlady Rosbalt.
Eki ushaqta da tek qana ushqyshtar bolǵan, olardyń biri kóz jumyp, ekinshisi túrli jaraqatpen aýrýhanaǵa jatqyzyldy. Jerde bolǵan taǵy eki adam zardap shekti.
Soqtyǵysý saldarynan ushaqtardyń biri saýda úıiniń shatyryna, ekinshisi - jaqyn mańdaǵy kólik turaǵyna qulady.
Jolaýshylar men saýda úıiniń qyzmetkerleri evakýatsııalandy, apat ornynda tótenshe qyzmet jumys istep jatyr.
Oqıǵa kýágerleri soqtyǵys kezinde qatty jarylys bolǵanyn aıtýda. Eki ushaqtyń soqtyǵysý sebepteri áli anyqtalmady, alaıda aýa raıy jaıynyń jaıly bolǵany anyq.
Kvebek qozǵamdyq qaýipsizdik mınıstri qaza tapqan ushqyshtyń otbasyna qaıǵyra kóńil aıtty.
