Kanada armııasynda 10 mln dollardyń qarý-jaraǵy joǵaldy
ASTANA. QazAqparat - Kanadanyń armııasy qarý-jaraq júıesin qaıta sanaǵanda 10 mln dollardyń jabdyqtary jetpeı qalǵan. Sońǵy on jylda Kanada ulttyq qorǵanys vedomstvosynyń brondy keýdesheleri, kaskalary, etikteri, kompıýterleri men qarýlary urlanǵan. Departament atap ótkendeı, 77 000 urlanǵan zat - 600-mıllıon qural-saımannyń tek shaǵyn bir bóligi ǵana, dep habarlaıdy CBC .
Shyǵyndardyń 5,5 mln dollary - sarbazdarǵa arnalǵan áskerı jabdyqtar, 1,4 mln dollary - kólik qurylǵylary, 253 myń dollary - telekommýnıkatsııalyq qurylǵylar, 939 myń dollary - qural-saımandar, 239 myń dollary - qarýlar men áskerı jaraqtardy quraǵan.
Jabdyqtardyń eń kóp joǵalýy Kanadanyń Aýǵanstandaǵy óz mıssııasyn shekteýdi bastaǵan ýaqytynda, ıaǵnı 2012-2013 jyldar aralyǵynda oryn alǵan. Osy kezde 7 mln dollarlyq jabdyqtar joǵalǵan nemese qoldy bolǵan.
