Kanada Arktıkasynda tereń muz astynan erekshe kólder tabyldy
ASTANA.QazAqparat - Ǵalymdar Kanadadaǵy Arktıkalyq arhıpelagtan Kún júıesindegi muz álemi jóninde jańa jańalyqtarǵa jeteleıtin erekshe kól tapty, dep habarlaıdy bbc.com.
Kanadadaǵy Arktıkada 500 metr muz qabatynyń astynan eki kólshik tabyldy. Ondaǵy sýdyń temperatýrasy Tselsııa boıynsha -10,5 gradýs. Mundaı temperatýrada sý qatpas úshin muz asty kóli óte tuzdy bolýy qajet.
«Men tań qalyp turmyn. Іzdegenim muz asty kóli emes bolatyn», - deıdi zertteýshi Anıa Rýtıshaýzer.
Bul Arktıkadan tabylǵan alǵashqy kólder, olardyń kólemi shamamen 5-8 sharshy shaqyrymdy quraıdy.
«Bul ózgeshe kól, sebebi Antarktıdadaǵy 400-den astam muzasty kólderiniń sýy tuşy. Bul kóldegi tiri organızmder de erekshe bolýy kerek», - deıdi zertteýshilerdiń biri Martın Sıgert.
