Kanada amerıkalyq baj salyǵyna qatysty jaǵdaıdy DSU-da talqylamaq

ASTANA. KAZINFORM – Kanada bolat men pen adıýmınııge salynǵan baj salyǵyna baılanysty DSU-ǵa shaǵym túsirdi.

Канада, АҚШ
Фото: Kazinform

Kanada Dúnıejúzilik saýda uıymyna Vashıngtonnyń kanadalyq bolat pen alıýmınıı ónimderiniń keıbir túrlerine ımporttyq baj salyǵyn engizýine baılanysty Qurama Shtattarmen keńes ótkizý úshin resmı ótinish berdi. Tıisti qujat DSU múshelerine 13 naýryzda jiberildi.

- Kanada 12 naýryzda kúshine engen bolat pen alıýmınııdiń keıbir túrlerin qosymsha baj salyǵynan bosatýdy alyp tastaý jáne alıýmınıı ónimderine baj salyǵyn arttyrý sharalary AQSh-tyń 1994 jylǵy Tarıfter men saýda jónindegi bas kelisimdegi mindettemelerine qaıshy keletinin málimdep otyr, - delingen DSU málimdemesinde.

AQSh pen Kanada arasyndaǵy saýda daýy

AQSh Kanadadan keletin bolat pen alıýmınııge qosymsha baj salyǵyn birneshe ret engizdi jáne alyp tastady. 2018 jyly Vashıngton Kanadany salyqtan ýaqytsha bosatyp, tıisinshe 25% jáne 10% tarıfter engizdi, biraq tarıften bosatý merzimi sol jyldyń maýsymynda aıaqtaldy. 2019 jyly baj salyǵy joıyldy, alaıda 2020 jyly AQSh keıbir alıýmınıı ónimderi úshin olardy ishinara qalpyna keltirdi, sodan keıin qaıtadan alyp tastady.

2025 jyldyń 10 aqpanynda AQSh Kanadany barlyq qosymsha baj salyǵynan bosatylýyn joıyp, alıýmınıı tarıfin 25%-ǵa deıin kóterdi. Bul sharalar 12 naýryzda kúshine endi.

Konsýltatsııa týraly ótinim neni bildiredi?

Konsýltatsııalar týraly ótinim istiń DSU-da qaralatynyn bildiredi. Konsýltatsııalar taraptarǵa máseleni talqylaýǵa jáne arbıtrajǵa júginbeı, ózara qolaıly sheshimge kelýge tyrysýǵa múmkindik beredi. Eger taraptar 60 kún ishinde daýdy sheshe almasa, talapker sheshim qabyldaý úshin tórelik komıssııa qurýdy talap etýge quqyly.

Buǵan deıin Qytaı kanadalyq taýarlarǵa qosymsha baj salyǵyn engizgenin jazǵan bolatynbyz.

 

Сейчас читают