Kanada 890 adam maımyl sheshegin juqtyrǵanyn rastady

OTTAVA. QazAqparat – Kanada qoǵamdyq densaýlyq saqtaý agenttigi sársenbidegi jaǵdaı boıynsha elde 890 adam maımyl sheshegin juqtyrǵanyn rastady, dep habarlaıdy QazAqparat NEWS CN-ge silteme jasap.

Vırýsty juqtyrǵandar Ontarıo provıntsııasynda – 423, Kvebekte – 373, Brıtandyq Kolýmbııada – 78, Albertte – 13, Saskachevanda – 2 jáne ıÝkonda 1 tirkeldi.

Kanada Ulttyq mıkrobıologııalyq zerthanasy maımyl sheshegin týdyratyn vırýsqa dıagnostıkalyq test júrgizedi. Sonymen qatar zerthana genom tizbegin anyqtap, maımyl shesheginiń kanadalyq úlgilerine keńeıtilgen taldaý jasaıdy.

Kanada úkimeti «Imvamune» vaktsınasynyń 70 myńnan astam dozasyn satyp aldy jáne qoǵamdyq densaýlyq saqtaý salasyndaǵy vedomstvolyq baǵynysty uıymdarmen belsendi yntymaqtastyqty jalǵastyrýda. Dúnıejúzilik densaýlyq saqtaý uıymy maımyl shesheginiń órshýin halyqaralyq densaýlyq saqtaý salasyndaǵy tótenshe jaǵdaı dep jarııalady.