Kanada 28-shi ret hokkeıden álem chempıony atandy
ASTANA. QazAqparat – Fınlıandııanyń Tampere qalasynda hokkeıden 2023 jylǵy álem chempıonatynyń qorytyndy matchy ótti, Kanada men Germanııa álem chempıony ataǵyna talasty, dep habarlaıdy QazAqparat Sports.kz portalyna silteme jasap.
Kanada Germanııa quramasyn 5:2 esebimen jeńdi. Kanadalyqtardan Semmı Ble (11 jáne 45 mınýtta), Loýson Krýz (38), Taıler Toffolı (52) jáne Skott Loton (59) shaıba salsa, nemisterden Djon-Djeıson Peterka (8-mınýt) pen Danıel Fıshbýh (34-shi) mergendik tanytty.
Osylaısha, Kanada quramasy 28-shi ret álem chempıony atandy. Germanııa quramasyna keler bolsaq, olar óziniń tarıhtaǵy eń úzdik nátıjesin qaıtalap, úshinshi ret kúmis medalǵa qol jetkizdi (komanda 1930 jáne 1953 jyldary «kúmis» alǵan bolatyn).
