Qan tókkender jaýap bersin: Sherzattyń ákesi sotta talap-tilegin aıtty
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty sot otyrysy ótip jatyr.
Sotta jábirlenýshi retinde sóz alǵan Sherzattyń ákesi Qarjaýbaı Nurymov óziniń talap-tilegin aıtty.
— Oǵan (D.Ysqaq) eshqandaı talabym joq. Basqasyna men ádiletti sheshim kútemin. Eshkimge jala jappaımyn, eshkimniń aqshasy kerek joq. Tek kelip-ketip júrgen jigitter, basqa eshkim meniń otbasymdy mazalamasyn. Al balamnyń qanyn tókkender jaýap berýi kerek, — dedi Qarjaýbaı Nurymov.
Buǵan deıin ol kıkiljiń qalaı bastalǵanyn aıtqan edi.
Sondaı-aq Qarjaýbaı Nurymov Sherzattyń qashan jan tapsyrǵanyn aıtty.
Eske salaıyq, buǵan deıin sotta Sherzat óliminiń negizgi sebebi ataldy.
Sondaı-aq Nurqanat Ǵaıypbaevtyń janjal barysynda qandaı jaraqat alǵany aıtyldy.
Prokýror oqıǵanyń tolyq hronologııasyn baıandady.
Aıyptalýshylardyń kópshiligi kinásin moıyndaǵan joq.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat Polattyń aǵasy óli tabyldy.
Bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.