Qan quıý salasy jemisti jumys isteýi úshin resýrstyq múmkindikter men bilikti mamandardan bólek tıimdi menedjment qajet
ASTANA. 8 maýsym. QazAqparat /Aıdar Ospanalıev/ -«Qan quıý salasy jemisti jumys isteýi úshin resýrstyq múmkindikter men bilikti mamandardan bólek tıimdi menedjment qajet»,-deıdi Transfýzıologııa ǵylymı-óndiristik ortalyǵynyń dırektory Jandos Búrkitbaev.
Ortalyq dırektorynyń paıymdaýynsha, aldyn ala oılastyrylmaǵan birjaqty reformalar qan quıý qyzmeti úshin qaýipti bolýy múmkin. «Jalpy alǵanda, elimizdegi qan quıý qyzmetine júrgizilgen taldaý sharalary bul salanyń qyzmetin jetildirý úshin birneshe baǵyt boıynsha júıeli sharalar qoldaný qajettigin kórsetti. Osyǵan baılanysty biz halyqaralyq tájirıbe negizinde keshendi sharalardy qolǵa alyp otyrmyz. Bul baǵyttaǵy birqatar qadamdar osy ýaqyttyń ózinde júzege asyrylyp jatyr»,-dedi Ortalyq dırektory.
Onyń paıymdaýynsha, qan quıý qyzmetin damytý úshin joǵaryda atalǵandarmen qosa, zerthanalyq skrınıng pen qan komponentterin daıyndaý isin jetildirýge barynsha kóńil bólý kerek. Sondaı-aq respýblıkanyń qan quıý ortalyqtarynyń biryńǵaı aqparat keńistigin qurý qajet. «Árbir qan quıý ortalyǵyna menedjmenttiń tıimdi júıesin engizip, qan quıý qyzmetiniń aımaqtaǵy jumysyn qurylymdar boıynsha jáne halyqaralyq talaptarǵa saı jumys istetken jón. Transfýzılogııa salasyndaǵy ǵylymı-qoldanbaly zertteýlerdi qolǵa alyp, qan komponentterin paıdalaný boıynsha arnaıy keńesshi quraldar kerek. Qan quıý qyzmetiniń normatıvti bazasyn jetildirý kerek»,-dedi J.Búrkitbaev.
