Qan aınalymy aýrýy barlar mindetti túrde emhanaǵa tirkelýi kerek - Mahabbat Bekbosynova
NUR-SULTAN. QazAqparat – «Ulttyq ǵylymı kardıohırýrgııa ortalyǵy» AQ basqarmasy tóraǵasynyń mindetin atqarýshy Mahabbat Bekbosynova júrek-qan tamyrlary aýrýy barlardy mindetti túrde emhanalarǵa tirkeýge turýǵa shaqyrdy, dep habarlaıdy QazAqparat tilshisi.
«Qazir Eýropada indettiń jańa tolqyny júrip jatyr. Elimizde koronavırýs ınfektsııasy boıynsha jaǵdaı turaqtandy. Qan aınalymy aýrýlaryna toqtalsaq, ıaǵnı sozylmaly júrek-qan tamyrlary aýrýy barlar jaýapkershilik tanytýy kerek. Osy oraıda kovıd-pnevmonııa kezinde táýekel tobynda enip tur. Kúretamyr, júrektiń ıshemııalyq aýrýy, júrek arýlarymen qatar júretin qant dıabeti naýqastary mindetti túrde turǵylyqty jeri boıynsha emhanalarda tirkeýge turýy kerek. Olar dárilik preparattardy qabyldaýy qajet», - dedi dáriger.
Mahabbat Bekbosynovanyń aıtýynsha, kúretamyr qysymyn, qant deńgeıin baqylaýda ustaý óte mańyzdy. Sáıkesinshe, barlyq dárilik preparattardy dárigerdiń nusqaýymen qabyldaý kerek.
«Júrek aýrýy barlar tirkeýde bolmasa, mindetti túrde emhanaǵa barýy kerek. Sebebi bul adamdarǵa vırýstyq ınfektsııalar aýyr tıedi», - dedi dáriger.
Budan buryn habarlanǵandaı, M. Bekbosynova koronavırýsqa qarsy dárilik preparattardy tek dárigerler taǵaıyndaýy kerektigin aıtty.
«Dárigerler efırde qandaı da bir preparattardyń ataýyn jarııalaǵanǵa qarsymyn. Sebebi muny halyq durys qabyldamaıtyn jaǵdaılar kezdesedi. Bizdiń suhbattarymyzdy tyńdap alyp, adamdar dárihanaǵa baryp, preparattardy satyp alady. Jalpy, dárilik preparattar tek retsept boıynsha satylýy kerek», - dedi ol.
