Qan alý kabınetterinde dybys jazatyn beınekameralar ornatylmaq

ASTANA. QazAqparat – Taldaý úshin qan alý kabınetterinde aýdıojazba fýnktsııasy bar beınebaqylaý kameralary ornatylýy múmkin. Bul týraly Densaýlyq saqtaý mınıstrliginiń ashyq talqyǵa shyǵarǵan tıisti buıyryǵynda jazylǵan, dep habarlaıdy QazAqparat tilshisi.

«Aýdıojazba fýnktsııasy bar tehnıkalyq quraldardy patsıenttiń nemese onyń zańdy ókiliniń fotosýretke nemese beınejazbaǵa nemese elektrondyq aqparattandyrylǵan kelisimin alǵan jáne onyń beınelerin keıinnen paıdalanǵan jaǵdaıda bıologııalyq materıaldy alý jáne qabyldaý pýnktiniń qan alý kabınetinde qoldanylady. Jazbasha nemese elektrondyq aqparattandyrylǵan kelisim erkin nysanda resimdeledi», - delingen jańa redaktsııada.

Qujattyń túsindirmesinde jazylǵandaı, qan alý kezinde aýdıojazba fýnktsııasy beınebaqylaý kameralyn qoldaný patsıent tarapynan túsetin shaǵymdardy taldaýǵa múmkindik beredi

«Aýdıojazba fýnktsııasy bar beınebaqylaý kameralaryn tikeleı patsıentterden bıomaterıaldar (Venadan qan) alý júrgiziletin qan alý kabınetterinde ornatý patsıentter tarapynan shaǵymdardy taldaý kezinde máselelerdi sheshýge, sondaı-aq personal jumysynyń sapasyn tirkeýge múmkindik beredi. Bul rette, QR Azamattyq Kodeksiniń 145-babyna sáıkes, qandaı da bir adamnyń beınesin onyń kelisiminsiz, al qaıtys bolǵan jaǵdaıda muragerleriniń kelisiminsiz paıdalanýǵa quqyǵy joq. Osyǵan baılanysty, patsıenttiń foto/beınejazbaǵa jazbasha kelisimin alǵan jáne onyń beınesin keıin paıdalanǵan jaǵdaıda, qan alý kabınetinde aýdıojazba fýnktsııasy bar tehıkalyq quraldardy qoldaný múmkindigi usynylady», - dep kórsetilgen buıryqta.

Qujatty ashyq talqylaý 27 qańtarǵa deıin jalǵasady.