«Kamyzıakı» ártisteriniń Qazaqstandaǵy kontsertteri ótpeıtin boldy

Reseılik «Kamyzıakı» komandasy Qazaqstanǵa kelmeıtin boldy. Bul jaıynda uıymdastyrýshylar resmı málimdedi, dep habarlaıdy QazAqparat.

VI Project prodıýserlik ortalyǵy «Kamyzıakı» ujymynyń 5-8 qazan aralyǵynda Almaty men Astanada ótýge tıis kontserti bolmaıtynyn habarlady.

«Kamyzıakı» ujymy ártisteriniń kópshilik aldynda jasaǵan áreketi jurtshylyqtyń narazylyǵyn týǵyzyp, bul másele qoǵamdyq rezonansqa aınaldy. Osyny eskere otyryp VI Project jáne Live Event uıymdastyrýshylar toby «Kamyzıakı» komandasynyń Qazaqstan boıynsha búkil jeke kontsertterin ótkizbeý jóninde sheshim qabyldady» delingen ortalyqtyń Instagram paraqshasyndaǵy resmı málimdemesinde.

Bıl️etterdi qaıtarý máselesi boıynsha qaı operatordan satyp aldyńyz, solarǵa habarlasqan jón.

Aıta keteıik, kesheden bastap Kino.kz jáne Tiketon platformalarynda atalǵan ártisterdiń kontsertine bılet satý toqtap qalǵan bolatyn.