Qamystybas kólinde muzdyń yǵysýynan demalys aımaǵyna zııan keldi – Qyzylorda

QYZYLORDA. QazAqparat - Qyzylorda oblysy Aral aýdanyndaǵy Qamystybas kólinde ekpindi jeldiń saldarynan sý deńgeıi kóterilip, jaǵasyndaǵy demalys aımaǵynda ornalasqan ǵımarattarǵa eleýli zııanyn keltirdi, dep habarlaıdy QazAqparat tilshisi.

Búgin, 29 naýryzda saǵat 17.35-te oblystyq tótenshe jaǵdaılar departamenti daǵdarys jaǵdaıynda basqarý basqarmasyna Qamystybas kólindegi sý deńgeıiniń kóterilgeni jóninde aqparat kelip tústi.

«Ekpindi jeldiń saldarynan Aral aýdany Qamystybas kól jaǵasyna jınalǵan muz yǵysyp, kóshýi baıqalǵan. Nátıjesinde sol aýmaqtaǵy Aqqumshyq jazǵy demalys aımaǵynyń jaǵalaý aýmaǵyndaǵy jazǵy alańdar men ýaqytsha qurylystar ishinara buzyldy. Qaza bolǵandar men zardap shekkender joq. Sondaı-aq, eldi mekenderdi sý basý qaýpi týyndamaǵan», - dep málim etti Qyzylorda oblystyq tótenshe jaǵdaılar departamentinen.

Zaqymdalǵan qurylystar sany naqtylanýda. Oqıǵa ornyna tótenshe jaǵdaılar departamentinen 2, jergilikti atqarýshy organnan 15 qyzmetker bardy.

Eske salsaq, budan buryn Qyzylorda qalasynda qatty jelden kóp qabatty úıdiń shatyry ushyp ketti.