Qamshybek Qońqabaev reıtıngtegi kórsetkishin jaqsartty

NUR-SULTAN. QazAqparat - Qazaqstandyq boksshy Qamshybek Qońqabaev (5-0, 4 KO) kásipqoı bokstaǵy besinshi jeńisinen keıin BoxRec reıtınginde jaǵdaıyn jaqsartty, dep habarlaıdy QazAqparat tilshisi.

Ol jaqynda Almaty qalasynda MTK Kazakhstan uıymdastyrýymen ótken boks keshinde ózbekstandyq Farrýh Djýraevtan (6-6-1, 2 KO) basym túsken edi.

Atalǵan jekpe-jekte Qamshybek qarsylasyn ekinshi raýndta súrindirdi.

Atalǵan jeńisten keıin ol BoxRec reıtınginde birinshi aýyr salmaqta eki satyǵa joǵarylady.

Nátıjesinde 53-orynnan 51-orynǵa kóterildi.

Aıta ketsek, alǵashqyda Qamshybek Qońqabaev ońtústikafrıkalyq Djonnı Mıllermen (23-9-2, 14 KO) judyryqtasady dep josparlanǵan edi.

Qarsylasy alǵan jaraqatyna baılanysty jekpe-jekten bas tartty.

Eske salsaq, budan buryn Jánibek Álimhanulynyń álem chempıony ataǵy úshin aıqasynyń qashan ótetini anyqtaldy.