Qamshybek Qońqabaev kásipqoı boksta baq synaıdy

QYZYLORDA. QazAqparat - Bokstan Qazaqstan ulttyq quramasynyń kapıtany Qamshybek Qońqabaev kásipqoı boksta baq synaıtyn boldy, dep habarlaıdy QazAqparat tilshisi.

Bul jóninde MTK Kazakhstan menedjerlik kompanııasynyń Instagram paraqshasynda habarlandy.

«MTK Kazakhstan bokstan Qazaqstan quramasynyń kapıtany Qamshybek Qońqabaevpen kelisim-shart jasalǵanyn qýanyshpen habarlaıdy», - dep jazylǵan atalmysh paraqshada.

Eske sala ketsek, Qamshybek Tokıo Olımpıadasyna 91 keli salmaqta joldama jeńip alǵan bolatyn. Sondyqtan bylǵary qolǵap sheberiniń aldaǵy ýaqytta dúbirli dodada baq synaýyna múmkindigi bar.

Aıta keterligi, ol mundaı básekede tuńǵysh márte sharshy alańǵa shyǵady.

Qamshybek Qońqabaev 1991 jyly 18 qarashada Qyzylorda qalasynda dúnıege kelgen. Ol - Qazaqstannyń birneshe dúrkin chempıony. Álem (2017, 2019) jáne Azııa chempıonattarynda (2017, 2019) eki-eki márte kúmis júldeger atandy.