Qamshybek Qońqabaev fınalda álemniń eki dúrkin chempıonymen kezdesedi
ASTANA. QazAqparat - Gambýrgte bokstan ótip jatqan álem chempıonatynda 91keliden joǵary salmaqta básekelesetin Qamshybek Qońqabaev ázerbaıjandyq Magomedrasýl Medjıdovpen shyǵatyn boldy, dep habarlaıdy «QazAqparat» HAA tilshisi.
Ázerbaıjandyq Magomedrasýl Medjıdov jartylaı fınalda avstralııalyq bylǵary qolǵap sheberi Djozef Gýdolldy jeńdi. Endigi kezekte, 91 keliden joǵary salmaqta ol qazaq boksshysy Qamshybek Qońqabaevpen qolǵap túıistiredi. Aıta keterligi, Magomedrasýl Medjıdov 2011 jáne 2013 jyly aýyr salmaqta álem chempıony atanǵan.
Al otandasymyz óz kezeginde kamerýndyq Foký Arsenniń aldyn oraǵan bolatyn.
Eske sala ketsek, Germanııanyń Gambýrg qalasynda ótip jatqan álem chempıonatynda qazaqstandyq úsh boksshy fınalǵa joldama alyp otyr. Olar - Qaırat Eralıev, Ábilhan Amanqul men Qamshybek Qońqabaev. Taǵy úsh boksshymyz álem chempıonatynyń qola medalin ıelendi.
FOTO: sport.kz
