Qamshybek Qońqabaev syralǵy qarsylasy Bahodır Jalolovtan taǵy jeńildi

Qytaıdyń Hanjchoý qalasynda ótip jatqan Azııa oıyndarynda qazaqstandyq boksshy Qamshybek Qońqabaev kúmis júldeger atandy, dep habarlaıdy QazAqparat tilshisi.

Qazaqstandyq boksshy asa aýyr salmaqta óziniń syralǵy qarsylasy, olımpıada chempıony, ózbekstandyq Bahodır Jalolovpen qolǵap túıistirdi.

Tartysty ótken jekpe-jekte ózbekstandyq boksshy 4:0 esebimen jeńiske jetti.

Osylaısha, Azııa oıyndarynda qazaqstandyq boksshylarǵa altyn buıyrmady.

Eske sala keteıik, budan buryn Karına Ibragımovanyń Azııa oıyndarynyń kúmis júldegeri atanǵanyn jazǵan bolatynbyz.

Sondaı-aq qytaılyq qandasymyz Toqtarbek Tańatqan Azıada chempıony boldy.