Qamshybek Qońqabaev Azııa oıyndarynyń fınalyna shyǵyp, olımpıadaǵa joldama aldy

Qytaıdyń Hanjchoý qalasynda ótip jatqan Azııa oıyndarynda qazaqstandyq boksshy Qamshybek Qońqabaev fınalǵa shyqty, dep habarlaıdy QazAqparat tilshisi.

Asa aýyr salmaqtaǵy qazaqstandyq boksshy Qamshybek úndistandyq Berval Narendermen judyryqtasty.

Birinshi raýndta tóreshilerdiń bári basymdyqty Qamshybek Qońqabaevqa berdi. Ekinshi kezeńde eshteńe ózgergen joq.

Qorytyndy esep – 5:0, qazaqstandyq sportshynyń paıdasynda.

Osylaısha, Qazaqstan erler quramasynan Q.Qońqabaev qana fınalǵa shyǵyp, olımpıada joldamasyn jeńip aldy.

Endi ol altyn úshin óziniń syralǵy qarsylasy, álem chempıony, ózbekstandyq Bahodır Jalolovpen talasady.

Bahodır Jalolov Qytaı atynan shyǵyp júrgen qazaq jigiti Danabek Baıǵazyny merziminen buryn tize búktirgen edi.

Eske sala keteıik, budan buryn Nadejda Dýbovıtskaıanyń Azııa oıyndarynda qola júldeni qanaǵat tutqanyn jazǵan bolatynbyz.