«Qamqorlyq» jobasy: Túlkibas aýdanynda 21 otbasy baspanaly boldy
NUR-SULTAN. QazAqparat – Túlkibas aýdanynda jergilikti ákimdiktiń uıytqy bolýymen 21 otbasy baspanaly boddy, dep habarlaıdy QazAqparat.
Memleket basshysy Qasym-Jomart Toqaev Qazaqstan halqyna arnaǵan Joldaýynda birqatar tapsyrmalar bergen bolatyn. Sonyń biri – kópbalaly otbasylarǵa áleýmettik jaǵynan barynsha qoldaý kórsetý. Osy tapsyrma aıasynda Túrkistan oblysynda óńir basshysy Ómirzaq Shókeevtiń bastamasymen qolǵa alynǵan «Qamqorlyq» jobasy aıasynda Túlkibas aýdanynda jergilikti ákimdiktiń uıytqy bolýymen 21 otbasy baspanaǵa qol jetkizip otyr.
Sonyń ishinde 6 otbasyǵa demeýshilir esebinen turǵyn úı berilse, 15 otbasyǵa memlekettik baǵdarlamamen páter kilti tabystaldy. Sondaı-aq, 9 otbasynyń turǵyn úıi demeýshiler esebinen jóndeýden ótti.
Sonymen qatar, aǵymdaǵy jyldyń 9 qarashasyna deıin «Qamqorlyq» jobasyna qatysýshy 93 otbasyǵa 215 mln.teńgeden astam qarjyǵa túrli kómekter kórsetilgen. Atap aıtqanda, «Ferrým Konstrakshn» JShS, «Gramad» gıpermarketi, «Madına» makaron fabrıkasynyń demeýshiligimen ázirlengen azyq-túlik sebetteri «Meıirim» eriktiler tobymen úlestirildi. Budan ózge, bekitilgen mamandar tarapynan (aýdan ákiminiń apparaty, derbes bólimderdiń basshylary, jeke kásipkerler) azyq-túlik sebetteri, aıaq-kıim, kıim-keshek, materıaldyq aqshalaı kómek jáne kómir, otyn úıme-úı taratylyp berildi.
