«Qamqor Lokomotıv» JShS: Jyl basynan beri 4,8 mlrd teńgeniń ónimi óndirildi
KÓKShETAÝ. QazAqparat - Aqmola oblysynyń əkimi Məlik Myrzalın jumys saparymen Atbasar aýdanynda boldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Sapar barysynda aımaq basshysy «Poltavka-2» jəne «Árip-Agro» seriktestikterindegi egin oraǵy jumystarynyń barysymen tanysty, sondaı-aq aýyl sharýashylyǵy qurylymdarynyń basshylarymen kezdesti.
Atalmysh sharýashylyqtardyń egis alqaptarynda astyq jınaý jumystary qyzý júrgizilýde. Dıqandardyń aıtýynsha, bıylǵy jazdaǵy aýa raıynyń qolaısyzdyǵyna qaramastan egin bitik shyǵyp, mol astyq jınalady dep kútilýde.
«Poltavka-2» JShS dırektory Nıkolaı Belobrov bıyl aýyl sharýashylyǵy daqyldarynyń aýmaǵy 18 myń gektardan asatynyn atap ótti. Onyń ishinde dəndi daqyl, maıly daqyldar jəne mal azyǵy bar.
Aımaq basshysy aýyl sharýashylyǵy qurylymdarynyń basshylary jəne jumysshylarymen kezdesti. Júzdesýde eginniń shyǵýy, jınaý merzimi jəne jumysshylardyń jaǵdaıy men eńbekaqylary týraly aıtyldy.
Sonymen qatar, Məlik Myrzalın Atbasar qalasynda salynyp jatqan 45 pəterli alty turǵyn úıdiń qurylysymen tanysty. Tórt úı respýblıkalyq, bir úı oblystyq, bir úı memlekettik baǵdarlama esebinen salynýda.
Oblys əkimi qurylysqa Aqmola oblysynda jasalǵan qurylys materıaldaryn paıdalanýdy, sondaı-aq jumysty sapaly əri qarqyndy júrgizýdi tapsyrdy.
Sondaı-aq óńir basshysy «Qamqor Lokomotıv» seriktestiginiń Atbasar elektrovoz jóndeý zaýytyn aralap kórdi. Zaýyt dırektory Marat Japarov kásiporynnyń VL-80, VL-40 elektrovozdary lokomotıvterine kúrdeli jóndeý jumysyn júrgizip, tehnıkalyq qyzmet kórsetetindikterin aıtty. Munda lokomotıvtiń qosalqy bólshekteri de jasalady. Jyl basynan beri 4,8 mıllıard teńgeniń ónimi shyǵarylǵan. Zaýytta 1411 adam jumys isteıdi. Kəsiporynda jumysshylarǵa əleýmettik jeńildikter de qarastyrylǵan.
Sapar sońynda aımaq basshysy Məlik Myrzalın bıýdjetti oryndaý jəne aýyl sharýashylyǵynda paıdalanylatyn jerlerdi tıimdi paıdalaný máseleleri boıynsha májilis ótkizdi.
