Qamys órtine, aýa lastanýyna zaýyttyń qatysy joq – AMÓZ
ATYRAÝ. KAZINFORM – «Atyraý munaı óńdeý zaýyty» JShS qamys órtine, aýa lastanýyna qatysy joq ekenin málimdedi.
Kásiporyn 13–19 maýsym aralyǵynda apattyq óshý nemese óndiristik aqaý bolmaǵanyn da atap ótti.
- «Qazgıdromet» RMK málimetine sáıkes, 13–16 maýsym kúnderi qalada ońtústik-batys baǵyttaǵy jel basym boldy. Atyraý oblysy Tótenshe jaǵdaılar departamentiniń aqparatyna sáıkes, 2025 jyldyń 13 maýsymy kúni saǵat 13:50-de Erkinqala aýylynan 15 shaqyrym jerde ornalasqan «Aqjaıyq» memlekettik tabıǵı rezervaty aýmaǵynda qamys órti tirkelgen. 16 maýsymǵa qaraǵan túnnen bastap jeldiń baǵyty soltústik jáne soltústik-batysqa, ıaǵnı qaladan zaýytqa qaraı aýysty. Atap ótken jón, zaýyt bul kezde de shtatty rejımde jumys istedi. Óndiristik protseste qandaı da bir apat tirkelmedi. ıAǵnı, 13–19 maýsym aralyǵynda zaýyt óz qyzmetin belgilengen normatıvterge sáıkes júrgizgendigine nazarlaryńyzdy aýdaramyz. Qorshaǵan ortaǵa lastaýshy zattardy shyǵarý jáne gazdardy alaý júıesine jiberý faktileri bolǵan joq. Áleýmettik jeliler men jekelegen buqaralyq aqparat quraldarynda taralǵan «AMÓZ» JShS-niń qamys órtine sonymen qatar, aýa lastanýyna qatysy bar» degen aqparat shyndyqqa sáıkes kelmeıdi. BAQ ókilderi men jurtshylyqty tek resmı derekkózderge súıenýge shaqyramyz. Qazir kásiporynnyń jumysynda irkilis joq. Óndiris turaqty rejımde jumys istep tur, - delingen «AMÓZ» JShS habarlamasynda.
Eske sala ketelik, buǵan deıin «Aqjaıyq» tabıǵı rezervatyndaǵy órtke adam faktorynyń áseri bolýy múmkin ekenin habarlaǵan edik.
Sondaı-aq, «Aqjaıyq» rezervatyndaǵy órtti sóndirýge taǵy bir tikushaq tartyldy.
Atyraý oblysynyń ákimi Serik Shápkenov qamys órtine baılanysty tótenshe jaǵdaı jarııalaýǵa negiz joq ekenin aıtty.
Al keshe Atyraýda «Aqjaıyq» tabıǵı rezervatyndaǵy qamys órti áli byqsyp jatqanyn jazǵan bolatynbyz.
Atyraýda «Aqjaıyq» rezervatyndaǵy qamys órti 10 kúnnen beri sónbeı tur.