Kamıla Kerimbaeva men Anna Danılına Almaty Women's halyqaralyq áıelder týrnıriniń jeńimpazy atandy
ASTANA. 21 qazan. QazAqparat - Qazaqstandyq jup Kamıla Kerimbaeva men Anna Danılına Almaty Women's halyqaralyq áıelder týrnıriniń fınalynda qazaqstandyq-chehııalyq jup Zalına Haırýdınova men Nıkola Frankovýdy 6:3, 6:1 esebimen jeńdi.
Bul aqparatty QR Tennıs federatsııasynyń baspasóz qyzmeti taratyp otyr.
Týrnır barysynda qazaqstandyq jup Eleaý Nemchen men Aleksandrý Grınchıshınýdy, Ásel Arǵynbaeva men Aleksandra Romanovany, Anna Smolına men Elızaveta Nemchınovany utqan bolatyn.
Sonymen qatar ITF Almaty Women's áıelder týrnırinde jekeleı synǵa túsken sportshylar arasynda fınalǵa shyqqan tennısshilerdiń esimderi belgili boldy.
Birinshi jartylaı fınaldyq matchta qazaqstandyq Z.Haırýdınova qyrǵyz tennısshisi Bermet Dývanaevaǵa 3:6, 7:5, 2:6 esebimen, al elimizdiń taǵy bir tennısshisi A.Danılına reseılik A.Artamonovaǵa 6:1,7:6 esebimen ese jibergen bolatyn.
Búgin kúndiz Bermet Dývanaeva men Aleksandra Artamonova bas júlde úshin saıysqa túsedi.
