Kamıla Berliqash Grand Slam týrnıriniń jartylaı fınalyna shyqty

ASTANA. KAZINFORM – Dýshanbede (Tájikstan) ótip jatqan Grand Slam týrnıriniń sońǵy jarys kúninde qazaqstandyq Kamıla Berliqash jartylaı fınalǵa joldama aldy. 

Ulttyq olımpıadalyq komıtettiń habarlaýynsha, 78 keliden joǵary salmaqta synǵa túsip jatqan Kamıla jarysty ekinshi aınalymnan bastap, Ýkraına men Ońtústik Koreıa sportshylarynan basym tústi. 

Jartylaı fınalda Berliqash polshalyq Kınga Voltsshakpen beldesedi. 

Al, búgin synǵa túsken Islam Bozbaev pen Nurlyhan Sharhan (ekeýi de 100 keli) ekinshi aınalymda jeńilise, Dıdar Hamza (90 keli) jubanysh beldesýinde Grekııa sportshysyna ese jiberdi.

Osylaısha, Qazaqstan erler quramasy týrnırdi 1 kúmis, 2 qola medalmen aıaqtaǵaly otyr. 

Eske salsaq, buǵan deıin jasóspirimder arasyndaǵy Azııa chempıonatynda qazaqstandyq boksshylardyń fınaldaǵy qarsylastary anyqtalǵanyn habarlaǵan edik.