Kamıl Kýrýglıev erkin kúresten álem chempıonatynda kúmis aldy

ASTANA. KAZINFORM - Qazaqstandyq erkin kúres sheberi Kamıl Kýrýglıev (92 keli) Bolgarııanyń Samokov qalasynda ótip jatqan 20 jasqa deıingiler arasynda álem chempıonatynda kúmis júldeger atandy.

Otandasymyz sheshýshi beldesýde ózbekstandyq Sherzod Poenovpen sheberlik baıqasty.Tartysty ótken beldesýde qazaqstandyq balýan qarsylasyna 2:3 esebimen jeńilip qaldy.

Aıta ketsek, el quramasynyń qorjynynda qazir bes medal bar. Qazirge deıin Edige Qasymbek (125 keli) altyn ıelense, Nurdanat Aıtanov (57 keli), Dosjan Qul-Ǵaıyp (74 kelige deıin) jáne Samır Dýrsýnov (97 keli) álem chempıonatyn qola júldemen aıaqtady.

17-24 tamyz aralyǵynda ótetin bedeldi básekede qazaqstandyq balýandar áıelder kúresinen, grek-rım jáne erkin kúresten el namysyn qorǵaıdy. Aldymen erkin kúres sheberleri boz kilemge shyqsa, odan keıin áıelder kúresinen júldeler sarapqa salynady.

Álem chempıonatyn grek-rım kúresiniń balýandary túıindeıdi.

Dúnıejúzilik doda 1969 jyldan beri turaqty túrde ótkizilip keledi. Qazirge deıin qazaqstandyq balýandar 10 altyn, 27 kúmis, 39 qola medal aldy. 

Byltyr Ispanııanyń Pontevedre qalasynda ótken álem chempıonatynda el quramasy 2 altyn, 1 kúmis, 4 qola júldemen medaldar kestesinde tórtinshi orynǵa turaqtady.