Kamıl Kýrýglıev erkin kúresten álem chempıonaty fınalyna shyqty

ASTANA. KAZINFORM — Erkin kúres sheberi Kamıl Kýrýglıev (92 keli) Bolgarııanyń Samokov qalasynda ótip jatqan 20 jasqa deıingiler arasynda álem chempıonatynyń fınalyna joldama aldy.

Jartylaı fınalda otandasymyz ázirbaıjandyq Anara Djafarlıden basym tústi.
Endi ol aqtyq synda Sherzod Poenovpen (Ózbekstan) ózara myqtyny anyqtaıdy.

Aıta ketsek, budan buryn Edige Qasymbek (125 keli) álem chempıonaty fınalynda ırandyq Abolfazl Mohammad Nejadti 4:1 esebimen tize búktirip, chempıondyq ataqty jeńip aldy.

Al Samır Dýrsýnov (97 keli) qola júldeger atandy.

17-24 tamyz aralyǵynda ótetin bedeldi básekede qazaqstandyq balýandar áıelder kúresinen, grek-rım jáne erkin kúresten el namysyn qorǵaıdy. Aldymen erkin kúres sheberleri boz kilemge shyqsa, odan keıin áıelder kúresinen júldeler sarapqa salynady.
Álem chempıonatyn grek-rım kúresiniń balýandary túıindeıdi.

Dúnıejúzilik doda 1969 jyldan beri turaqty túrde ótkizilip keledi. Qazirge deıin qazaqstandyq balýandar 10 altyn, 27 kúmis, 39 qola medal aldy. 

Byltyr Ispanııanyń Pontevedre qalasynda ótken álem chempıonatynda el quramasy 2 altyn, 1 kúmis, 4 qola júldemen medaldar kestesinde tórtinshi orynǵa turaqtady.