Kamerýnda jarylys saldarynan 19 adam qaza tapty
ASTANA. QazAqparat - Kamerýnnyń soltústik-shyǵysyndaǵy kenttiń bazarynda jankeshtiler eki jerde ózderin jaryp jiberdi, odan 19 adam qaza tapty, dep habarlaıdy álemdik BAQ.
Oqıǵadan taǵy da 70 adam jaraqat alǵan, olardyń birnesheýiniń hali aýyr dep baǵalanýda.
Assoshıeıted press agenttiginiń jazýynsha, jankeshtiler áıelder bolǵan, olar saýda jasaıtyndar sekildi kıingen.
Jarylysty ázirge lańkesterdiń eshqaısysy moınyna almady. Tártip saqshylary terraktini óńirdegi «Boko Haram» lańkester uıymy uıymdastyrýy múmkin dep boljap otyr.
