Kamerýnda jankeshti ózin jaryp jiberdi, 17 adam mert boldy
ASTANA. QazAqparat - Senbi kúni Kamerýnnyń soltústiginde jankeshti ózin jaryp jiberdi, oqıǵa saldarynan keminde 17 adam mert boldy, dep habarlady Sınhýa agenttigi áskerı derekkózge silteme jasap.
Oqıǵa kezinde taǵy birneshe adam ártúrli dárejede jaraqattar aldy.
Qazirgi sátte aımaqta áreket etip jatqan radıkalyq toptardyń birde-biri shabýyl úshin ózine jaýapkershilikti alǵan joq, dep jazady RIA Novostı .
«Boko Haram» radıkaldyq ıslamshylar tobynyń lańkesteri Nıger, Kamerýn jáne Chad elderi únemi júrgizip jatqan áskerı naýqanǵa jaýap retinde kóptegen lańkestik aktilerdi uıymdastyryp keledi. Bul naýqan osy topqa jatatyn sodyrlardyń kózin joıýǵa baǵyttalǵan.
