Kamerýnda poıyz apatqa ushyrap, 50 adam mert boldy
ASTANA. QazAqparat - Kamerýnda poıyz relsten shyǵyp ketip, keminde 53 adam mert boldy. Taǵy 300 adam dene jaraqattaryn aldy, dep jazady lenta.ru.
Temirjoldaǵy apat Kamerýn astanasy ıAýndadan 120 km aımaqtaǵy osy eldiń eń iri qalalarynyń biri -Dýalamen baılanystyratyn temir jol jelisinde boldy. Aldynda 3 adamnyń kóz jumǵany habarlanǵan bolatyn.
Osyǵan deıin temirjoldyń dál osy bóliginde nóser jańbyrdyń saldarynan kópir qulaǵan. Sonyń saldarynan ıAýnda men Dýala arasynda qatynas ýaqytsha toqtaǵan. Oqıǵadan keıingi alǵashqy poıyz jolǵa 45 mınýtqa keshigip shyqty.
Apatqa ushyraǵan poıyzǵa osyǵan deıingileri sııaqty kóptegen qosymsha vagondar tirkelgen. Ázirge qosymsha vagondardyń apatqa qanshalyqty sebep bolǵandyǵy anyqtalǵan joq.
