Kamerýnda kóshkin saldarynan 42 adam mert boldy
NUR-SULTAN. QazAqparat – Kamerýnnyń batysynda tolassyz jaýǵan jańbyr men sý tasqynyna baılanysty kóshkin júrip, saldarynan 42 adam qaza tapty. Bul týraly sársenbi kúni Reuters agenttigi jergilikti baspasózge silteme jasap habarlady.
«Laı aǵyny men qıraǵan ǵımarattardyń úıindilerinen 42 adamnyń denesi tabyldy. Olardyń 26-sy balalar», - dep habarlady CRTV jergilikti telearnasy.
Batys óńirdiń gýbernatory Fonka Ava Avgýstın atap ótkendeı, sý tasqynynan bolǵan syrǵyma Bamýngým aýylynda oryn alǵan. Onyń aıtýynsha, 20 shaqty úı qıraǵan.
Kamerýn bıligi apat bolǵan aýmaqqa qutqarýshylar men áskerı qurylymdardy jibergen, olar turǵyndarǵa kómek kórsetip jatyr. Batys óńirge Ortalyqsyzdandyrý jáne jergilikti basqarý mınıstri Elanga Obam Jorj bardy.
