Kamerýnda amerıkalyq dıplomattyń korteji balany qaǵyp ketti
ASTANA. QazAqparat - AQSh memlekettik departamenti baspasóz qyzmetiniń basshysy Djon Kırbı BUU janyndaǵy AQSh turaqty ókili Samanta Paýerdiń korteji kamerýndyq balany soǵyp, saldarynan ol qaza tapqanyn rastady, dep habarlady TASS.
Qaıǵyly oqıǵa Kamerýnnyń soltústigindegi Moloko qalasynyń mańynda oryn aldy. Turaqty ókil munda Batys Afrıkadan kelgen bosqyndarmen kezdesken. Dıplomatııalyq kortej eki jolaqty jolmen shamamen saǵatyna 100km jyldamdyqpen júrgen. Onyń boıynda jergilikti turǵyndar, sonyń ishinde balalar turǵan. Jolǵa qaraı umtylǵan balany djıp qaǵyp ketti. Ol kólikti kamerýndyq basqarǵan. Dárigerler japa shekken balany qutqara almady.
Samanta Paýer qaza tapqan balanyń januıasymen kezdesip, kóńil aıtty. Ajal qushqan balanyń otbasyna ótemaqy tóleý máselesi qaralyp jatyr.
