«Kamerata Qazaqstan» memlekettik orkestri 17-shi kontserttik maýsymyn ashady
ALMATY. 18 qazan. QazAqparat /Erlik Erjanuly/ - Almatydaǵy «Kamerata Qazaqstan» memlekettik orkestri «Mýzykalyq eksperımentter zerthanasy» toptamasyn jalǵastyrady.
Óner ujymy 17-kontserttik maýsymyn 2 qarasha kúni «Qazaqkontsert» zalynda «Soldat tarıhy» baǵdarlamasymen ashady. Igor Stravınskııdiń bul shyǵarmasy QR halyq artısi, professor Gaýhar Myrzabekova jetekshilik etetin «Kamerata Qazaqstannyń» alǵashqy mýzykalyq-teatrlyq qoıylymy bolmaq. I.Stravınskıı «Soldat tarıhyn» kórkem oqýshylar, mımıkalyq rólder, klarnet, fagot, kornet, trombon, urmaly jáne skrıpkalar men kontrabas úshin jazǵan bolatyn. Onyń qoıylýyna Qazaqstandaǵy Gete ınstıtýty men Almatydaǵy nemister úıi qoldaý kórsetýde.
Jalpy «Kamerata Qazaqstan» klassıkalyq mýzyka memlekettik orkestri 1997 jyly ómirge kelgen bolatyn. Ony qurý týraly ıdeıanyń avtory jáne orkestrdiń kórkemdik jetekshisi - áıgili skrıpkashy, pedagog Gaýhar Myrzabekova.
