Kámelettik jasqa tolmaǵandarǵa zorlyq-zombylyq kórsetý 40 paıyzǵa tómendedi
ASTANA. QazAqparat - Qazaqstanda kámelettik jasqa tolmaǵandardyń zorlyq-zombylyqqa ushyraýy 2015 jylmen salystyrǵanda 40 paıyzǵa tómendedi. Bul týraly búgin QR Úkimeti otyrysynda elimizdiń Іshki ister mınıstri Qalmuhanbet Qasymov málim etti, dep habarlaıdy QazAqparat.
«Kámelettik jasqa tolmaǵandarǵa qarsy jasalatyn qylmystardyń aldyn alý úshin bizdiń tarapymyzdan maqsatty sharalar qabyldanýda. Ótken jylmen salystyrǵanda olardyń sany 41 paıyzǵa qysqardy, kámelettik jasqa tolmaǵandardy jynystyq zorlaýmen baılanysty qylmystar 15 paıyzǵa, onyń ishinde zorlyq-zombylyq 40 paıyzǵa kemidi», - dedi mınıstr.
Onyń aıtýynsha, bul qylmystardyń barlyǵy mınıstrliktiń baqylaýynda tur. «Al aǵymdaǵy jyly bul sanattaǵy qylmystar úshin jaýapkershilikti qatańdatatyn bir qatar zańnamalyq sharalar qabyldandy», - dedi Q.Qasymov.
