Kámelettik jasqa tolmaǵandarǵa beıbit sherýge shyǵýǵa ruqsat etilýi múmkin

NUR-SULTAN. QazAqparat - «Qazaqstan Respýblıkasyndaǵy beıbit jınalystar, mıtıngiler, sherýler, pıketter men demonstratsııalar uıymdastyrý jáne ótkizý tártibi týraly» zań jobasynda adam jasyna qatysty shekteý qoıylmaıdy. Bul týraly elordada zań jobasyn talqylaý barysynda belgili boldy, dep habarlaıdy QazAqparat.

«Qatysýshy» degen uǵymǵa qatysty jasqa baılanysty shekteý joq. Endi beıbit jınalysqa 18 jasqa tolmaǵandar da qatysýy múmkin. Jobada jasqa qatysty shekteý bar, biz sol shekteýdi alyp tastaýdy qarastyryp jatyrmyz», - dedi QR Aqparat jáne qoǵamdyq damý vıtse-mınıstri Danııar Esın.

Sondaı-aq, ol zań jobasynan alyp tastaǵan keıbir mindettemeler týraly aıtty.

»Beıbit jınalystardy uıymdastyrýshy Qazaqstanda beıbit jınalystardy uıymdastyrý tártibi týraly zańnamany buzǵany úshin birneshe ret ákimshilik jazaǵa tartylǵan azamat bola almaıdy« degen norma alynyp tastaldy. Sonymen qatar, beıbit jınalysqa kelýshider sany artyp ketken jaǵdaıda jınalysty toqtatý kerek degen mindetteme de alynyp tastalady», - deıdi ol.

Eske sala ketsek, elordada QR Aqparat jáne qoǵamdyq damý mınıstri Dáýren Abaev pen kópshiliktiń qatysýymen beıbit jınalys ótkizýge qatysty zań jobasy talqylandy.