Kámelettik jasqa tolmaǵan qyz Esil ózenine batyp ketti
NUR-SULTAN. QazAqparat – Nur-Sultanda qutqarýshylar Esil ózeninen kámelettik jasqa tolmaǵan qyzdyń denesin sýdan shyǵaryp aldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
30 qyrkúıek kúni saǵat 07:41-de «102» kanalyna «Serýen» kópiriniń astynda Esil ózeninde adamnyń batyp bara jatqany týraly habar kelip tústi.
Oqıǵa ornyna dereý polıtsııa jasaqtary men Tótenshe jaǵdaı departamentiniń apattyq-qutqarý qyzmeti jiberildi.
«Qaıtys bolǵan qyzdyń denesin sýdan súńgýirler shyǵardy», - delingen habarlamada.
Atalmysh fakti boıynsha qylmystyq is qozǵaldy, tergeý júrip jatyr.
