Kámeletke tolmaǵandarǵa jynystyq zorlyq-zombylyq kórsetý áreketteri tyıylmaı tur- ǵalym
NUR-SULTAN. QazAqparat - Sońǵy jyldary kámeletke tolmaǵandardyń jynystyq qol suǵylmaýshylyǵyna qarsy qylmystar kóbeıdi.
Bul týraly QR Zańnama jáne quqyqtyq aqparat ınstıtýtynyń jetekshi ǵylymı qyzmetkeri, zań ǵylymdarynyń kandıdaty Serik Qarjaýbaev aıtty, dep habarlaıdy QazAqparat tilshisi.
«Sońǵy jyldary mundaı qylmystar kóbeıip keledi jáne statıstıka muny rastaıdy. Mysaly, keıbir aımaqtarda kámeletke tolmaǵandardyń jynystyq qol suǵylmaýshylyǵyna qarsy quqyq buzýshylyqtardyń sany artyp keledi», - dedi Serik Qarjaýbaev elordada ótken halyqaralyq ǵylymı-praktıkalyq onlaın konferentsııada.
Onyń aıtýynsha, kámeletke tolmaǵandardyń jynystyq qol suǵylmaýshylyǵyna qarsy qylmystar Qostanaı, Qyzylorda, Mańǵystaý, Almaty oblystarynda baıqalady. Jarııalanǵan málimetterge sáıkes, 2019 jyly QR QK-niń 120-baby boıynsha 1004 quqyq buzýshylyq jasaldy, onyń 158-i kámeletke tolmaǵandarǵa qatysty.
«Statıstıkalyq málimetter kámeletke tolmaǵandardyń jynystyq qol suǵylmaýshylyǵyna qarsy quqyq buzýshylyqtardyń únemi ósip otyratynyn kórsetedi», - deıdi ol.
Eske sala ketsek, elordada «Qazaqstan Respýblıkasynyń Konstıtýtsııasy - qoǵam men memleketti áleýmettik jańǵyrtýdyń irgeli negizi» taqyrybyndaǵy halyqaralyq ǵylymı-praktıkalyq onlaın konferentsııa bastaldy.
Konferentsııany Qazaqstan Respýblıkasy Konstıtýtsııalyq Keńesiniń qoldaýymen Zańnama jáne quqyqtyq aqparat ınstıtýty negizinde Ádilet mınıstrligi uıymdastyrdy.
