Kámeletke tolmaǵandarǵa qatysty jynystyq sıpattaǵy zorlaý áreketteri úshin 25 jylǵa, tipti ólim jazasyna kesý kerek - V. Nehoroshev
ASTANA. Naýryzdyń 3-i. QazAqparat /Qanat Mámetqazyuly/ - Kámeletke tolmaǵandarǵa qatysty jynystyq sıpattaǵy zorlaý áreketteri úshin 25 jylǵa, tipti ólim jazasyna kesý kerek.
Búgin QR Parlamenti Májilisiniń jalpy otyrysynda «QR keıbir zańnamalyq aktilerine balanyń quqyqtaryn qorǵaýdy qamtamasyz etý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Vladımır Nehoroshev osylaı málim etti, dep habarlaıdy QazAqparat.
«Bala bizdiń baqytymyz, baýyr etimiz. Qazaqstannyń Qylmystyq kodeksinde 121-shi bapta kámeletke tolmaǵandarǵa qatysty jynystyq sıpattaǵy zorlaý áreketteri úshin 8-den 15 jylǵa deıin bas bostandyǵynan aıyrý sharasy qarastyrylǵan. Jábirlenýshiniń qaza bolǵany jaǵdaıynda ǵana eń joǵary jazany, ıaǵnı 15 jyldy beredi. Keıin bundaı súmelekter túrmedegi jazasyn merziminen buryn ótep shyǵady. Jaqynda osyndaı qylmysqa barǵany úshin AQSh soty bir azamatty 800 jylǵa bas bostandyǵynan aıyrdy. Al bizdiń zańnamamyz bundaı qylmysqa kelgende óte lıberaldy bop tur. Jasalǵan qylmystyń ózi - bul naǵyz aıýandyqty bildiredi. Sondyqtan da, men bul baptaǵy jazany 25 jylǵa deıin uzartýdy suraımyn. Eger qylmys barysynda jábirlenýshi qaza bolsa, qylmyskerdi ómir boıǵy túrmege qamaý úkimin engizý qajet, tipti biz ólim jazasyn qoldanýǵa qaıtyp oralatyn bolsaq, sondaı qylmysy úshin ólim jazasyn qoldaný qajet», dedi depýtat.
Onyń aıtýynsha, bul qatal jaza bunshalyqty deńgeıdegi aýyr qylmystardy azaıtýǵa septigin tıgizedi. «Meniń oıymsha, bala zorlaǵandar úshin keshirim degen bolmaýy kerek», degen V. Nehoroshev zań jobasynyń ekinshi oqylymy barysynda atalǵan normany usynatynyn jetkizdi.
