Kámeletke tolmaǵandarǵa qatysty jasalǵan qylmystar 22%-ǵa ósti – ІІM

Qabyldanǵan sharalardyń nátıjesinde sońǵy 5 jylda kámeletke tolmaǵandarǵa qatysty qylmystar sany 6%-ǵa qysqardy. Degenmen bıyl ósý bar. ІІM ákimshilik polıtsııa komıtetiniń tóraǵasy Qaısar Sultanbaev, dep habarlaıdy Kazinform.

«Qabyldanǵan sharalardyń nátıjesinde sońǵy 5 jylda kámeletke tolmaǵandarǵa qatysty qylmystar sany 6%-ǵa qysqardy. Bıyl kámeletke tolmaǵandarǵa qatysty jasalǵan qylmystar 22%-ǵa ósti. Kámeletke tolmaǵandarǵa qatysty qylmystar jol kólik oqıǵalary, jynystyq qylmystar, buzaqylyq jáne aýyrlyǵy ortasha jáne densaýlyqqa aýyr zııan keltirý áreketteri esebinen ósip otyr. Kámeletke tolmaǵandardyń jynystyq qol suǵylmaýshylyǵyna qarsy qylmystardyń jalpy sanynyń 30%-y erikti túrde jynystyq qatynasqa túsý nátıjesinde jasalǵan», - dedi Qaısar Sultanbaev Ortalyq kommýnıkatsııalar qyzmeti alańynda ótken baspasóz máslıhatynda.

Polıtsııa densaýlyq saqtaý organdarymen birlesip, 69 qylmysty anyqtady.

«Bul jasóspirimderdiń jynystyq ómirdi erte jastan bastaıtyndyǵyn kórsetedi. Jasóspirimder páter jaldap, túrli oqıǵalardy atap ótedi, onda ata-analary bolmaıdy, ıaǵnı balalar baqylaýsyz qalady. Alkogoldik ishimdikterdi nemese esirtki zattaryn paıdalanady, nátıjesinde qylmystyń qurbany bolady», -deıdi ol.