Kámeletke tolmaǵandarǵa qarsy qylmystyń úshten biriniń zorlyq sıpaty bar – ІІM

ASTANA. KAZINFORM – Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev Senatta ótip jatqan dóńgelek ústelde kámeletke tolmaǵandarǵa qarsy jasalǵan qylmystardyń statıstıkasyn aıtty.

«Ótken jyldyń qorytyndysy boıynsha kámeletke tolmaǵandarǵa qatysty 2 myńnan astam qylmys jasaldy. Onyń ishinde árbir úshinshi qylmys kámeletke tolmaǵandardyń jynystyq qol suqpaý quqyǵyna qarsy qylmystar. Sonyń ishinde zorlaý, jynystyq sıpattaǵy zorlyq-zombylyq, 16 jasqa tolmaǵan adammen jynystyq qatynas, jynystyq qatynasqa májbúrleý, jas balalardy azǵyndyq jolǵa túsirý qylmystary bar», - dedi ol.

Komıtet tóraǵasy kámelet jasyna tolmaǵandarǵa qarsy qylmystyń basym bóligi otbasy, oshaq qasynda tirkeletinin aıtady.

«Qylmystardyń 65 paıyzy polıtsııanyń kirýine shekteý bar jeke turǵyn úılerde jasalǵan. Árbir úshinshi qylmysty polıtsııanyń kózine túspegen jaqyn adamdar jasaıdy. Bular – ákeleri, ógeı ákeleri, birge turatyndar, kórshiler, týystar, ne bolmasa tanystar», - dedi Qaısar Sultanbaev.