Kámeletke tolmaǵandardyń eńbek zańdylyǵynyń buzylýyna qatysty 300 fakti anyqtaldy - ІІM
ASTANA. 1 tamyz. QazAqparat - 25-27 shilde aralyǵynda respýblıka aýmaǵynda Іshki ister mınıstrligi múddeli memlekettik organdar jáne úkimettik emes uıymdarmen birigip «Jumyspen qamtý» aktsııasyn ótkizdi.
Sharanyń maqsaty - jazǵy demalys kezinde kámeletke tolmaǵandar tarapynan quqyqbuzýshylyqty joıý, sonymen qatar ishki ister organdarynda profılaktıkalyq esepte turǵan jasóspirimderdi jumyspen qamtý bolyp tabylady. Bul týraly ІІM baspasóz qyzmetinen habarlandy.
Aktsııa barysynda bos ýaqyt ótkizýdiń túrli nysandary uıymdastyrylyp, buǵan 50 myńnan astam jasóspirim qatysty. Olardyń 9 myńy ishki ister organdarynda esepte turǵandar bolsa, 12 myńǵa jýyǵy turmysy tómen otbasylardyń balalary.
«Budan bólek, kámeletke tolmaǵandardyń eńbek zańdylyǵynyń buzylýyna qatysty 300 fakti anyqtaldy. Onyń ishinde 80 jasóspirim kóńil kóterý oryndarynda, 25-i kólikte jáne 174-i aýyl sharýashylyǵynda jumys istegen. Anyqtalǵan faktiler boıynsha jumys berýshilerge qatysty prokýratýra, sonymen qatar eńbek jáne áleýmettik qorǵaý organdaryna 200-den astam usynym jiberiledi», - delingen baspasóz habarlamasynda.
