Kámeletke tolmaǵandardy ýaqytsha oqshaýlaý, beıimdeý jáne ońaltý ortalyǵynda balalar kúnine oraı merekelik shara ótti
ASTANA. Maýsymnyń 1-i. QazAqparat - Halyqaralyq balalar kúni merekesine oraı Astana qalalyq ІІD Balalardyń quqyn qorǵaý departamenti men «Astana balalar qalashyǵy» SOS otbasyn nyǵaıtý jobasynyń uıymdastyrýymen Kámeletke tolmaǵandardy ýaqytsha oqshaýlaý, beıimdeý jáne ońaltý ortalyǵynda úlken merekelik kesh ótti.
Bul aqparatty Astana qalalyq ІІD-niń memlekettik til jáne aqparat bólimi taratyp otyr.
«Balalyq álemi» atty teatrlandyrylǵan kórinis túrinde órbidigen merekelik is-shara barysynda túrli ertegi keıipkerlerdiń keıipine engen balalar osy ortalyqtyń ýaqytsha qaraýyndaǵy búldirshinderdiń kóńilin kóterdi. «Kóńildi start», «Qaptaǵy mysyq» sııaqty konkýrstar uıymdastyrylyp, túlki Alısanyń taratqan bazarlyqtaryn bólisti», delingen baspasóz habarlamasynda.
Astana qalalyq ІІD kámeletke tolmaǵandardy ýaqytsha oqshaýlaý, beıimdeý jáne ońaltý ortalyǵynyń bastyǵy Qýantaı Omarbekovtyń aıtýynsha, búginde atalǵan orynda 14 bala tárbıelenýde. Olardyń birqatarynyń ata-analary ishkilikke salynsa, sonymen qatar úıinen bezip ketkenderi de bar.
Balalardy merekemen quttyqtaı kelgen Astana qalalyq prokýratýrasynyń ókilderi ata-ananyń aıaly alaqanynyń jylýyn sezinbegen búldirshinderge mýzykalyq ortalyq syılasa, qalalyq ІІD Esirtki bıznesine qarsy kúres basqarmasy men «Dınamo» sporttyq qoǵamdastyǵynyń qyzmetkerleri fýtbolkalar men juldyzshalar taratty.
