Kámeletke tolmaǵandar quqyǵyn qorǵaý jónindegi vedomstvoaralyq komıssııa qurylady

ASTANA. QazAqparat – Oqý-aǵartý mınıstrliginiń janynan Kámeletke tolmaǵandardyń isi jáne olardyń quqyqtaryn qorǵaý jónindegi vedomstvoaralyq komıssııa qurylmaq. Bul týraly «Ashyq» NQA portalynda jarııalanǵan vedomstvo basshysynyń tıisti buıryǵynda jazylǵan, dep habarlaıdy QazAqparat tilshisi.

«QR Oqý-aǵartý mınıstrliginiń janynan Kámeletke tolmaǵandardyń isi jáne olardyń quqyqtaryn qorǵaý jónindegi vedomstvoaralyq komıssııa qurylsyn. Vedomstvoaralyq komıssııa kámeletke tolmaǵandar arasyndaǵy quqyq buzýshylyqtardyń, qadaǵalaýsyz jáne panasyz qalýdyń aldyn alý, olardyń quqyqtary men zańdy múddelerin qorǵaý salasyndaǵy memlekettik saıasatty iske asyrýdy qamtamasyz etý jóninde usynystar ázirleý maqsatynda qurylady», - delingen qujatta.

Vedomstvoaralyq komıssııanyń quramyna myna laýazym ıeleri enedi:

- Oqý-aǵartý mınıstri, tóraǵa

- Oqý-aǵartý vıtse-mınıstri, tóraǵanyń orynbasary

- Oqý-aǵartý mınıstrliginiń Balalardyń quqyqtaryn qorǵaý komıteti basqarmasynyń basshysy, hatshy

- Ǵylym jáne joǵary bilim vıtse-mınıstri

- Densaýlyq saqtaý vıtse-mınıstri

- Eńbek jáne halyqty áleýmettik qorǵaý vıtse-mınıstri

- Indýstrııa jáne ınfraqurylymdyq damý vıtse-mınıstri

- Mádenıet jáne sport vıtse-mınıstri Qazaqstan Respýblıkasy

- Qorǵanys mınıstriniń orynbasary

- Ulttyq ekonomıka vıtse-mınıstri

- Aqparat jáne qoǵamdyq damý vıtse-mınıstri

- Ádilet vıtse-mınıstri

- Tótenshe jaǵdaılar vıtse-mınıstri

- Ekologııa jáne tabıǵı resýrstar vıtse-mınıstri

- Bas prokýratýranyń ókili

- Adam quqyqtaryn qorǵaý jónindegi ulttyq ortalyǵynyń jetekshisi (kelisim boıynsha)

- Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa hatshylyǵynyń konsýltanty (kelisim boıynsha)

- Bala quqyqtary jónindegi ýákil (kelisim boıynsha)

- Іshki ister mınıstrliginiń Ákimshilik polıtsııa komıtetiniń tóraǵasy

- Oqý-aǵartý mınıstrliginiń Balalardyń quqyqtaryn qorǵaý komıtetiniń tóraǵasy

- Syrtqy ister mınıstrliginiń Konsýldyq qyzmet departamentiniń dırektory

- Qoǵamdyq birlestiktiń ókili (kelisim boıynsha).

Qujat 14 sáýirge deıin kópshilik talqylaýda bolady.