«Kámeletke tolmaǵandar arasyndaǵy quqyq buzýshylyqtar týraly konferentsııa ótkizildi
ASTANA. 28 sáýir. QazAqparat - Keshe Іshki ister mınıstrliginiń resmı saıtynda Іshki ister jáne Bilim jáne ǵylym mınıstrlikteriniń qurylymdyq bólinisteri basshylarynyń qatysýymen
naqty ýaqyt rejıminde bilim beretin jalpy orta mektep oqýshylary úshin «Kámeletke tolmaǵandar arasyndaǵy quqyq buzýshylyqtar profılaktıkasy jáne olardyń quqyqtaryn qorǵaýdy qamtamasyz etý» taqyrybyndabir jarym saǵattyq ınternet-konferentsııa ótkizildi.
Іs-sharanyń basty maqsaty - oqýshylarymen týra jáne keri baılanysty qamtamasyz etý, kámeletke tolmaǵandardyń jáne olardyń ata-analarynyń quqyqtaryn qorǵaý jáne qaýipsizdigin qamtamasyz etý salasyndaǵy quqyqtyq bilimin arttyrý bolyp tabylady, dep habarlady Qazaqstan Respýblıkasy ІІM Ákimshilik polıtsııa komıteti.
Sonymen qatar bul aqparattyq quraldy ІІM bastamasymen balalar arasyndaǵy Internet júıesiniń tanymaldyǵynyń joǵary deńgeıin eskere otyryp, balalar men jasóspirimder qylmysynyń aldyn alý maqsatynda paıdalaný sheshimi qabyldandy.
Respýblıkanyń barlyq mektepterinde biryńǵaı sabaq júrgizildi, ony ótkizý kezinde naqty ýaqyt rejıminde oqýshylardyń suraqtaryna eki vedomstvo ókilderi jaýap berdi.
Internet-konferentsııaǵa barlyǵy 100 myńnan astam oqýshylardyń qatysýymen 2 myńǵa jýyq oqý oryndary qosyldy. Jergilikti jerlerde, Internet-synyptarda saıtta ornalastyrylǵan jaýaptardy túsindirý úshin mektep ınspektorlary, kámeletke tolmaǵandar isteri jónindegi ýchaskelik polıtsııa ınspektorlary jáne bilim berý júıesiniń qyzmetkerleri, sondaı-aq jekelegen mektepterde ishki ister jáne bilim berý organdarynyń óńirlik bólinisteriniń basshylary qatysty.
Bir jarym saǵat ishinde paıdalanýshylardan saıtqa 250-den asa suraq kelip tústi. Baılanys barysynda jasóspirimder qylmysyna qarsy kúres, kámeletke tolmaǵandardyń arasyndaǵy quqyq buzýshylyqtyń profılaktıkasy, balalardyń quqyǵyn qorǵaý jáne qaýipsizdigin qamtamasyz etý, jol qaýipsizdigi, esirtki bıznesine qarsy kúres jáne nashaqorlyq profılaktıkasy, ishki ister organdarynyń vedomstvolyq oqý oryndaryna túsý tártibi men erejeleri, bilim berý organdarynyń jumysy, balalar men jasóspirimderdiń quqyq buzǵany úshin ata-analardyń, pedagogtardyń, kámeletke tolmaǵandardyń jáne basqalardyń jaýapkershiligi, sondaı-aq olarǵa qatysty jáne basqa da kóptegen suraqtar talqylandy.
