Kámeletke tolmaǵan ulyna kólik júrgiztken qyzylordalyqqa 50 AEK aıyppul salyndy
QYZYLORDA. QazAqparat - Qyzylorda oblysynyń 40 jastaǵy turǵyny kámeletke tolmaǵan balasyna avtokólikti júrgizýge bergen, dep habarlaıdy QazAqparat tilshisi.
Atalmysh oqıǵa «Samara-Shymkent» tas jolynyń boıynda oryn alǵan. 40 jastaǵy oblys turǵyny 2003 jylǵy balasyna kólik jıi júretin kúre jolda mashınasyn júrgizýge ruqsat bergen.
«Bul jóninde QR Ákimshilik quqyq buzýshylyq týraly kodeksiniń 128-babynda kórsetilgen. Onda «Kámeletke tolmaǵan adamdy ákimshilik quqyq buzýshylyq jasaýǵa tartý» jaǵdaıy ekeni kórsetilgen. Osyǵan baılanysty Jalaǵash aýdandyq soty 6 aqpanda qaýly shyǵardy. Qaýly boıynsha quqyq buzýshy «Ákimshilik quqyq buzýshylyq týraly kodeksiniń 128-babymen kináli dep tanyldy. Oǵan elý aılyq eseptik kórsetkish mólsherinde aıyppul salyndy. Ol 120 250 teńge shamasynda», - dep jazylǵan Qyzylorda oblystyq polıtsııa departamenti baspasóz qyzmeti taratqan habarlamada.
Sondaı-aq, quqyq buzýshy ata-ana ishki ister organdarynyń esebine alynatyn bolady.
