Kámeletke tolmaǵan qyzǵa tıisken elordalyq 10 kúnge qamaýǵa alyndy

NUR-SULTAN. QazAqparat – Nur-Sultan qalasyndaǵy kópqabatty úıdiń kire berisinde kámeletke tolmaǵan qyzǵa tıisken kúdikti ustalyp, qamaldy, dep habarlaıdy QazAqparat tilshisi.

Bul týraly Nur-Sultan qalasy polıtsııa departamentiniń baspasóz qyzmeti málimet taratty.

«Kámeleket tolmaǵan qyzǵa qol júgirtken astanalyq 10 táýlikke qamaýǵa alyndy. Buǵan deıin «102» kanalyna astana turǵynynan keshki ýaqytta turǵyn úıdiń kire berisinde onyń 16 jastaǵy qyzyna beıtanys er adam tıiskenin habarlaǵan bolatyn», -dep jazylǵan departamenttiń málimetinde.

Іzdestirý sharasynyń kezinde 20 jastaǵy stýdent ustalǵan bolatyn.

«Zańbuzýshynyń ústinen aınaladaǵy adamdarǵa qurmetsizdik kórsetip, mazasyn alý faktisi boıynsha QR Ákimshilik quqyq buzý týraly kodeksiniń 434-baby boıynsha ákimshilik is qozǵaldy. Búgin kúdikti Nur-Sultan qalasynyń mamandandyrylyǵan aýdanaralyq ákimshilik sotynyń sheshimimen 10 táýlikke qamaýǵa alynyp, ákimshilik qamaýǵa alynǵandardy qabyladýǵa arnalǵan orynǵa jiberildi», - dep jazylǵan departamenttiń baspasóz qyzmeti taratqan aqparatta.

Eske salsaq, kúdikti avtobýstaǵy kameralardyń kómegimen ustalǵan bolatyn.