Kámeletke tolmaǵan qyzdyń ógeı ákesin óltirýine baılanysty qylmystyq is sotqa joldandy
ASTANA. Aqpannyń 18-i. QazAqparat /Aıdar Ospanalıev/ - Jurtshylyq arasynda úlken dúrligýshilik týdyrǵan, kámelettik jasqa tolmaǵan Marýsovskaıanyń óziniń ógeı ákesi Aleksandr Kravetsti óltirýine baılanysty qylmystyq is sotqa joldandy.
Bul týraly búgin Bas prokýratýranyń resmı ókili Nurdáýlet Súıindikov jýrnalıstermen bolǵan aptalyq brıfıngte málim etti, dep habarlaıdy QazAqparat.
Resmı ókildiń sózine qaraǵanda, jasy kámeletke tolmaǵan qyzdyń aýyr qylmys jasaýyna onyń joldastary men tamyr-tanystary kómektesken. Qyz olarǵa 8 myń AQSh dollaryn bermek bolǵan.
Esterińizge sala keteıik, atalmysh qylmys ótken jyldyń tamyz aıynda Qaraǵandyda bolǵan. «Al sotqa ol bıylǵy jyldyń aqpan aıynyń 15-i kúni joldandy. Endi bul is boıynsha sońǵy sheshimdi sot shyǵarady», dedi resmı ókil.
