Kámeletke tolmaǵan qyzdy zorlaǵan avtobýs júrgizýshisi 17 jylǵa sottaldy

ASTANA. QazAqparat - Astana qalasynyń qylmystyq ister jónindegi mamandandyrylǵan aýdanaralyq soty A-ǵa qatysty kámeletke tolmaǵan K-ni zorlaý deregi boıynsha aıyptaý úkimin shyǵardy, dep habarlaıdy QazAqparat.

Astana qalalyq sotynyń málimetinshe, №1 avtoparktiń júrgizýshisi A avtobýs salonyndaǵy kámeletke tolmaǵan jábirlenýshi K-niń dármensizdigin paıdalanyp, zorlaǵan.

Negizgi sot talqylaýynan keıin kúdiktige jábirlenýshiniń aıǵaqtarymen, psıhıatr-psıholog sarapshylarynyń qorytyndysymen, K-niń zańdy ókiliniń aıǵaqtarymen jáne saraptama qorytyndysymen A-nyń qylmysy dáleldendi.

« Sot A-nyń qylmystyq jaýaptylyǵy men jazasyn jeńildetetin jáne aýyrlatatyn mán-jaılardy tanyǵan joq. Sot úkimimen ol QK-niń 120-baby 3-1-bóliginiń 1) tarmaǵy boıynsha jazanyń eń joǵary mólsherine - pedagogıkalyq jáne ózge de qyzmetpen aınalysý quqyǵynan ómir boıyna aıyryla otyryp, eń joǵary qaýipsizdik qylmystyq-atqarý júıesi mekemelerinde jazasyn óteýmen 17 jylǵa deıingi merzimge bas bostandyǵynan aıyrýǵa sottaldy», - dep jazdy vedomstvodan.

Sot úkimi zańdy kúshine engen joq.