Kámeletke tolmaǵan qyzǵa azǵyndyq jasaǵany úshin izdeýde júrgen adam Reseıden ekstradıtsııalandy
ASTANA. KAZINFORM- Qazaqstan Respýblıkasynyń Bas prokýratýrasy on alty jasqa tolmaǵan adammen jynystyq qatynasqa túskeni úshin Qazaqstan azamatyn qylmystyq jaýapkershilikke tartý úshin Reseı Federatsııasynan ekstradıtsııalady.
2023 jylǵy qyrkúıekte ol Shymkent qalasynyń jaldamaly páterleriniń birinde 14 jasar qyzben jynystyq qatynasqa túsken.
Qylmys jasalǵannan keıin qaskúnem jasyrynyp, halyqaralyq izdeý jarııalandy.
Osy jylǵy sáýirde ol Reseı Federatsııasynyń Novosıbırsk qalasynda ustaldy.
Qazaqstan Bas prokýratýrasynyń suraý salýy boıynsha Reseı tarapy kúdiktini otanyna ekstradıtsııalaý týraly sheshim qabyldady.
Qazirgi ýaqytta sottalýshy tergeý ızolıatoryna qamaldy.
Atalǵan qylmys úshin belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, bes jylǵa deıingi merzimge bas bostandyǵynan aıyrý túrindegi jaza qarastyrylǵan.
