Kámeletke tolmaǵan qaraǵandylyq jalǵan kýágerlik úshin sottaldy
QARAǴANDY. QazAqparat - Qaraǵandy oblysynyń kámelettik jasqa tolmaǵandar isteri jónindegi mamandandyrylǵan aýdanaralyq sotynda 17 jastaǵy jigit jalǵan kýálik etkeni úshin aıyptaldy. Bul týraly ekaraganda.kz saıty atalmysh sottyń baspasóz qyzmetine silteme jasap habarlady.
Sotta 17 jastaǵy P. aýyr qylmysqa qatysty is boıynsha káýger retinde jaýap alý kezinde kórineý jalǵan málimetter berdi dep aıyptaldy.
Іs derekterine sáıkes, 2017 jyly ol kezde 16 jasta bolǵan kámeletke tolmaǵan P. sotta qaraqshylyq shabýyl jasaǵanyn aıtyp, «kinásyn» moıyndaǵan. Ol mundaı qadamǵa tanysyn túrmeden qutqaryp qalý úshin barǵan.
Ol sottyń, prokýror men advokattardyń jalǵan kýágerlik úshin jaýapkershilikke tartý qarastyrylatyny týraly eskertýine qulap aspaı, raıynan qaıtpaǵan.
Endi P. QR Qylmystyq kodeksiniń 420-baby boıynsha jaýapkershilikke tartyldy. Ol 5 jylǵa shartty túrde bas bostandyǵynan aıyryldy jáne oǵan 1 jylǵa probatsııalyq baqylaý belgilendi.
