Kámeletke tolmaǵan balalarmen baılanysty qylmystar neden týyndaıdy
NUR-SULTAN. QazAqparat - Kámelettik jasqa tolmaǵandarǵa qatysty qylmystyń 70%-y turmystyq jaǵdaıda jáne balanyń aınalasyndaǵy adamdar tarapynan jasalady.
Bul týraly onlaın brıfıngte QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenova aıtty, dep habarlaıdy QazAqparat tilshisi.
Sonymen qatar, memlekettik organdar jáne úkimettik emes uıymdarmen birlesip júrgizilgen túsindirý jumystarynyń nátıjesinde azamattardyń ótken jyldardaǵy qylmystary boıynsha ótinishteri kóbeıdi. Mundaı ótinishter shamamen 30% quraıdy. Kámeletke tolmaǵandarǵa qarsy qylmystardyń 70% kúndelikti ómirde jáne balaǵa jaqyn adamdar (ákeleri, ógeı ákeleri, anasymen birge turýshylar, týystary, kórshileri men tanystary) tarapynan jasalatynyn atap ótken jón.
«Kámeletke tolmaǵandardyń jynystyq qol suǵylmaýshylyǵyna qatysty jasalǵan árbir ekinshi qylmys polıtsııa kire almaıtyn páterlerde, úılerde, jataqhanalarda jasalady jáne mundaı jaǵdaı qylmysty anyqtaýda belgili bir qıyndyqtar týdyrady. Sondaı-aq, kámeletke tolmaǵandardyń qylmystyń qurbany bolýynyń sebepteri: balalardy ata-ana nazarynan tys jáne baqylaýsyz qaldyrý, balanyń eresekterge qarsy tura almaýy jáne sengishtigi, buqaralyq aqparat quraldarynyń keri áseri, sonyń ishinde ınternette kóp otyrýy, moraldyq-otbasylyq qundylyqtardyń tómen deńgeıi, otbasyndaǵy áleýmettik kemshilikter, ata-analardyń alkogoldi shekten tys paıdalanýy», - deıdi QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenova.
