Kámelet jasqa tolmaǵan aqtóbelik kóligimen jıektasqa soǵylyp, eki dosy aýrýhanaǵa tústi
AQTÓBE. QazAqparat – Aqtóbede 17 jastaǵa bozbala kólik rýline otyrǵan. Jol-kólik apaty saldarynan kólik ishindegi eki dosy aýrýhanaǵa tústi, dep habarlaıdy QazAqparat tilshisi.
Aqtóbelik «Lada 21154» kóligin aıdap kele jatyp, Batys-2 shaǵyn aýdanynda jıektasqa soqtyǵysty. Saldarynan kólik ishinde otyrǵan eki dosy jaraqat alyp, oblystyq balalar aýrýhanasyna jetkizildi.
«Kámeletke tolmaǵan balalardyń kólik júrgizýge quqyǵy joq. Zań boıynsha olardyń ata-analary jaýapqa tartylady. Kólik quralyn basqarýǵa quqyǵy joq júrgizýshiniń kólik quralyn basqarǵany úshin 50 AEK mólsherinde ákimshilik aıyppul salynýy múmkin», - dedi oblystyq PD baspasóz qyzmetiniń jetekshisi Erbolat Sarqulov.
Jyl basynan beri oblys aýmaǵynda jaıaý júrginshilerdiń qatysýymen 90 jol-kólik oqıǵasy tirkeldi. Onda 10 adam qaza taýyp, 82 adam jaraqat aldy.
